ఆనందము కన్నా భయమే ఎక్కువైనాది
నువ్వు పుట్టినప్పుడు
భయము కన్నా ఇష్టమే పెరిగినాది
నువ్వు ఎదుగుతున్నప్పుడు
ఇష్టంగా నువ్వు ఏది అడిగిన
నేను కాదనలేను
అది ఎంతటి కష్టమైనా సరే
నిన్ను కాదనుకోనూలేను
నా గొడవ నీతో కాదయ్యా
నీలోని సరిలేని మార్గం గురించి
నా ఆలోచనంత నీవే కదయ్యా
సన్మార్గంలో సన్మానాలు నీకు జరగాలని
నా బ్రతుకు లోని బరువును నీకు చూపలేదయ్యా
నీ చిట్టి గుండె ఏ గాయం చూడకూడదని
నా ఏ కష్టం కూడా నీకు చెప్పుకోలేదయ్యా
అందరి అభిమానం నీకు అందించాలని
నువ్వు బాగుండాలనుకోవడంలో
నా స్వార్థమే దాగుంది
నువ్వు బాగుపడాలనుకోవడంలో
నీ విజయమే దాగుంది
నీ గెలుపునే నా గెలుపుగా చూసుకునే
పిచ్చివాడినయ్యా నేను
నా ఓటమిలో నీ గెలుపును వెతుక్కునే
సగటు తండ్రినయ్యా నేను
మరణ సాధనలో ఓడిపోయి
నిన్ను వదిలి పోతున్నాను
ఒంటరినని ఆగిపోకుండా ఏ యాగమైన
తలపెట్టు నువ్వు గెలిచి
గెలుపు వైపు నన్ను నిలబెట్టు
మరిచిపోకు బిడ్డా! నీ బిడ్డలకు
నువ్వే కావాలి తొలిమెట్టు!
(ఓ తండ్రి మాట)
✍️అనిర్వ✍️
@ప్రేమ్ సాగర్ కోటపూరి
No comments:
Post a Comment