నేను గెలిచిన వారి కథలు
వినడానికి ఎంత ఇష్టపడతానో
మంచో చెడో నా గురించి చెప్పే
కథలు వినడానికి ఇంకా ఇష్టపడతాను
కన్ను కాచిన నిద్రను
ఖర్చు చేసిన క్షణాలను
తిరిగి పొందలేను
చేజారిన అవకాశాల్ని
నిశ్శబ్దంగా నిలచిన
అవమానాన్ని కొలవలేను … కానీ!
పడిన ప్రతిసారి నిలబడగలను
ఒకనాటికి ఆ ఓటమికే నా గెలుపుని
బహుమానంగా ఇవ్వగలను
చెప్పే కథలే ఒకరి గెలుపుకి
కొలమానమనుకుంటే
ఎవరో రాసిన కథలో పాత్రను కాను
నేనంటూ రాసే కథలో కథానాయుడుని నేను
No comments:
Post a Comment