కొత్తగా చూడగలవు

 అనంత సాహితీ వేదిక వారి ప్రతిదినం

పద/వాక్య కవిత్వ పోటీకి

బుధవారం 28/01/26 నాడు ఇచ్చిన అంశముకై రాసిన కవిత.

అంశం: 

" ఆలస్యమైన వీడ్కోలు..."

తేది: 29/01/2026

రచన: ప్రేమ్ సాగర్ కోటపూరి 

ఊరు: కోవూరు,నెల్లూరు జిల్లా 

చరవాణి: 9542000079

శీర్షిక: కొత్తగా చూడగలవు!

నిన్ను నువ్వే క్రొత్తగా చూడాలనే ఆశ కలిగుంటే! అన్వేషణ మొదలెట్టు!

నిరీక్షణతో క్రమశిక్షణతో నిన్ను  మలుచుకోవాలని అర్థమవుతుంది!

జ్ఞానము లేదా? సమయము లేదా? గెలవాలని ఆలోచన లేదా? పని చేయడం చేత కాదా?అంటే?వున్నా! పూర్తిగా వాడే విధానమే తెలియదని తెలుస్తుంది.

చదువులున్నా సంస్కారమున్నా సంపాదించగలనే నమ్మకమున్నా

నిన్ను నువ్వే తెలుసుకోలేని స్థితిలో ఉంటే ఏమిటి లాభమనే! గొప్ప ప్రశ్న ఎదురవుతుంది?

దాహమంటేనే బావి త్రవ్వుకునే గుణమే నీ సొంతమైతే నిలకడలేమి నిన్ను వెంబడించదా? అవసరమైతేనే ఆలోచిద్దామనే వైనమే నీదైతే నాణ్యత నీ నైజాములో ఉంటుందా?

వంద అబద్దాలకు అలవాటు పడి నిన్ను నువ్వే కోల్పోయేకన్నా నిజం కోసం నీ ఉనికి కోసం నీ కోసం ధైర్యం చేయడమే ఎంతో మేలు!

ఆలోచించు ఎక్కడ దొరికిపోయావో? ఎక్కడ ఆగిపోయావో?నీకే స్పష్టతగా తెలుస్తుంది! 

ఆలస్యంగానైనా పర్వాలేదు అనవసరపు అలవాట్లకు వీడ్కోలు పలికేసి కొత్త అధ్యాయం లిఖించగలిగితే! వెనకబడిపోతున్న నీవు కొత్తగా చూడగలవు! ఈ ప్రపంచానికి నిన్నే గొప్పగా పరిచయం చేయగలవు!

✍️అనిర్వ✍️

@ప్రేమ్ సాగర్ కోటపూరి 

ఈ కవిత నా స్వీయ రచనేనని హామీ ఇస్తున్నాను...

ప్రేమకు నిదర్శనం

వాలంటైన్స్ డే సందర్భంగా తపస్వి మనోహరం అంతర్జాల ebook/ వార, మాస పత్రికల కొరకు రాసిన కవిత...

తేది : గురువారం 29/01/2026

అంశం: వాలంటైన్స్ డే 

రచన: ప్రేమ్ సాగర్ కోటపూరి 

ఊరు: కోవూరు,నెల్లూరు జిల్లా

చరవాణి: 9542000079 

శీర్షిక: ప్రేమకు నిదర్శనం 

ప్రేమించటమంటే? ప్రేమించాలని ఆశించటమా? ప్రేమిస్తున్నానని చెప్పటమా?

మనస్సు పొరల్లో బాధ్యతాయుతమైన 

భావమును,ప్రేరేపించే మనస్సును కలిగి జీవించడమే ప్రేమించటం!

వయస్సు హంగులలో వరస పొంగులలో దోబూచులా మారి దోచుకోవడమా? 

దూరము ఎంతైనా దారులు వేరైనా అడుగడుగునా గమనించుకుంటూ బాటలు వేసుకుంటూ కొనసాగడమే ప్రేమించటం!

అబద్ధాలకు అపోహలకు లొంగిపోయి ఊహలకే పారిపోయే  నిస్సహాయమా?

హద్దులు దాటి యుద్ధమే చేయగల నిర్భయమైన నిర్ణయంలా నిత్యము నిజమై బ్రతకటమే ప్రేమించటం!

ప్రేమ ప్రేమ అని ప్రకటిస్తూ ఉసరవిల్లిలాగా వ్యక్తుల్ని వ్యక్తిత్వాలను మార్చుకోవడమా?

అర్థం పరమార్థం ఎరిగి ప్రతిచోటా సన్నద్ధం కలిగి ప్రేమనివ్వడానికి కట్టుబడి ప్రయత్నించడమే ప్రేమించటం!

ప్రేమించటమే ప్రేమకు నిదర్శనం

అదే! ప్రేమకు గొప్ప నిర్వచనం...!

✍️అనిర్వ✍️

@ ప్రేమ్ సాగర్ కోటపూరి 

ఈ కవిత నా స్వీయ రచనేనని హామీ ఇస్తున్నాను...

ప్రేమించటమంటే? ప్రేమించాలని ఆశించటమా? ప్రేమిస్తున్నానని చెప్పటమా?

మనస్సు పొరల్లో బాధ్యతాయుతమైన 

భావమును, ప్రేరేపించే మనస్సును కలిగి జీవించడమే ప్రేమించటం!

దూరము ఎంతైనా దారులు వేరైనా బాటలు వేసుకుంటూ అడుగడుగునా గమనించుకుంటూ కొనసాగడమే ప్రేమించటం!

హద్దులు దాటి యుద్ధమే చేయగల నిర్భయమైన నిర్ణయంలా నిత్యము నిజమై బ్రతకటమే ప్రేమించటం!

అర్థం పరమార్థం ఎరిగి ప్రతిచోటా సన్నద్ధం కలిగి ప్రేమనివ్వడానికి కట్టుబడి ప్రయత్నించడమే ప్రేమించటం!

ప్రేమించటమే ప్రేమకు నిదర్శనం 

అదే! ప్రేమకు గొప్ప నిర్వచనం...!

ఓ తండ్రి మాట!

 ఆనందము కన్నా భయమే ఎక్కువైనాది 

నువ్వు పుట్టినప్పుడు

భయము కన్నా ఇష్టమే పెరిగినాది

నువ్వు ఎదుగుతున్నప్పుడు 

ఇష్టంగా నువ్వు ఏది అడిగిన 

నేను కాదనలేను 

అది ఎంతటి కష్టమైనా సరే 

నిన్ను కాదనుకోనూలేను

నా గొడవ నీతో కాదయ్యా

నీలోని సరిలేని మార్గం గురించి 

నా ఆలోచనంత నీవే కదయ్యా 

సన్మార్గంలో సన్మానాలు నీకు జరగాలని

నా బ్రతుకు లోని బరువును నీకు చూపలేదయ్యా 

నీ చిట్టి గుండె ఏ గాయం చూడకూడదని

నా ఏ కష్టం కూడా నీకు చెప్పుకోలేదయ్యా 

అందరి అభిమానం నీకు అందించాలని

నువ్వు బాగుండాలనుకోవడంలో 

నా స్వార్థమే దాగుంది

నువ్వు బాగుపడాలనుకోవడంలో

నీ విజయమే దాగుంది

నీ గెలుపునే నా గెలుపుగా చూసుకునే

పిచ్చివాడినయ్యా నేను

నా ఓటమిలో నీ గెలుపును వెతుక్కునే 

సగటు తండ్రినయ్యా నేను

మరణ సాధనలో ఓడిపోయి 

నిన్ను వదిలి పోతున్నాను 

ఒంటరినని ఆగిపోకుండా ఏ యాగమైన 

తలపెట్టు నువ్వు గెలిచి 

గెలుపు వైపు నన్ను నిలబెట్టు

మరిచిపోకు బిడ్డా! నీ బిడ్డలకు

 నువ్వే కావాలి తొలిమెట్టు! 

(ఓ తండ్రి మాట)

✍️అనిర్వ✍️

@ప్రేమ్ సాగర్ కోటపూరి

ఎవరి కథలు ఎలా ఉన్నా ?

 జన్మనిచ్చిన తలిదండ్రులకు బద్ధుడనై గౌరవమనే ప్రేమకు విధేయుడనై భారాన్ని భాద్యతయని మనసారా భావించాను 

సమిస్టిగా సమన్వయము కలిగుంటే సమాజానికి మేలనుకుని స్నేహమే 

అందుకు బలమనుకున్నాను  

వంచనకు కూడా అదునుంటుందని 

నిధానంగానే నేర్చుకున్నాను 

కలిసికట్టుగా నిర్మించగల ప్రేమామయమైన కోట... కుటుంబమే అనుకున్నాను 

అందుకు తగ్గ ప్రేమకోసం 

వెతుకులాడాను మోసపోయాను 

అరిచేకుక్క కరవడంటారు 

కరిచేదైతే తరమమంటారు 

ఇలాంటి మాటల మూటల 

మాయలో నన్ను నేనుకోల్పోయాను 

ఎందుకంటే పాలు పోసింది నేనే! విషపు చాయలు చూసింది నేనే!

నాతో ఎవరు ఎన్ని ఆటలాడిన?

పడడం సున్నితత్వంతో నమ్మడం 

వంచన పాలు కావడం బలహీనత కాదు పిరికితనం అంతకన్నా కాదని 

ఎవరి కథలు ఎలా ఉన్నా ?

ఇది నా కథ అని చెప్పగలిగేలా 

బ్రతుకు మీద ఆశ ఉన్నవాడినని 

విరిగి నలిగినా తిరిగి గెలవగలిగేలా నిలబడగలగడం నవ్వగలగడం నా

బలమైన నైజమని...

నిత్యమూ అన్వయించుకోగల 

గొప్ప సత్యాన్ని గ్రహించుకున్నాను

✍️ అనిర్వ ✍️

@ ప్రేమ్ సాగర్ కోటపూరి 

ఇది నా స్వీయ రచనేనని హామీ ఇస్తున్నాను...

సవాలు విసిరింది

అనంత సాహితీ వేదిక 

ప్రతి దినం పద/వాక్య కవిత్వ పోటీకి...

తేది : 04/02/2026 బుధవారం 

అంశము : "ఆలోచనల అంచున..."

రచన : ప్రేమ్ సాగర్ కోటపూరి 

ఊరు : కోవూరు, నెల్లూరు జిల్లా 

చరవాణి : 9542000079

శీర్షిక : సవాలు విసిరింది!

 

చీకటి కమ్మేసి మౌనంలో జీవించే

ఓ మనస్సు మీద...

ఉనికిని చాటాలని వెలుతురుగా

ప్రసరించాలని విశ్వప్రయత్నమే

మొదలెట్టింది ఒక దీపం?

 

అంతటి సాహసమా?ఎందుకో?

ఏమి సాధించాలనో?ఎవరికి చూపించాలనో?

ఆ వీర పోరాటం... 

 

ఈ పోరులో గెలుపెవరిదో మరి!

కాలమే చెప్తూందిలే సమాధానమని

అనుకుంటూనే....

 

దారిన పోయే ఓ దానమ్మా (దీపమా)

నీకెందుకమ్మా ఈ సాహసమంటే?

ఎంత గొప్పగా చెప్పిందో?

 

కొన్ని క్షణాలలో కరిగిపోయే జీవితం 

కలిగిన నేను వెలిగేది ఎంత సేపైనా!

అలసిపోను నిలిచిపోను

వదిలిపోను కుంగిపోను

పరిమాణం చిన్నదైనా!

పరిణామాలు ఏమైనా!

అడగలేదని ఎదురుచూడను!

నా పరిధిలో దాగిన 

మేలు ఏదైనా చేయాల్సిందే! 

అప్పుడే పుట్టుకకు అర్థము

బ్రతుకకు పరమార్థము!

అంటూ నాకే సవాలు విసిరింది! 

ఒక ప్రశ్నతో రేపటి కోసం

ఆలోచనల అంచున నిలబెట్టింది!

సమాజంలో సాటి మనిషిగా 

నా పాత్రను గుర్తుచేసింది!

✍️అనిర్వ✍️

@ ప్రేమ్ సాగర్ కోటపూరి 

ఇది నా స్వీయ రచనేనని హామీ ఇస్తున్నాను...

స్థిరత్వాన్ని కోల్పోకు

 

స్థిరత్వాన్ని కోల్పోకు

 

ఆశన్నది నీకుంటే
శ్వాసగా మల్చుకో
ఆశయం నీకుంటే
ఆత్రుతగా గెల్చుకో

ఎందుకనే ప్రశ్న ఉంటేనే సమాధానం
ఎందుకీ ప్రశ్న అనుకుంటే
ప్రశ్నార్ధకమే ... జీవితం

 

ఆశన్నది నీకుంటే
ఒకరి ప్రోత్సాహంతో అవసరం రాదు
ఓర్పన్నది నీకుంటే
ఒకరి ఓదార్పు మాటలతో పనేలేదు

ప్రయత్నములో లోపముంటే
అడుగు ముందుకి సాగదు
ప్రయత్నించడమే నేర్చుకుంటే
గెలుపు నిన్ను చేరదా ...

 

భయానికో బద్దకానికో

నీవు బానిసవు కాకు

స్థిరత్వం లేని బ్రతుకుకి

చిరునామాగా మిగలకు

 

నిన్ను నువ్వు నమ్ముకుంటే
నాలుగు దిక్కులు నీవే
అది నిజమని చెప్పాల్సింది
నువ్వు ... నీ నవ్వే...!

 

బలమైన పోటీ

 

 

కష్టాల కదలికలో

కనులే మూస్తే కన్నీరూ

దారాలంగా జారుతుంటాయ్

 

కష్టాలను కసితీరా చూస్తు

ముందుకి అడుగులే వేస్తే

అవే కనుమరుగై పోతుంటాయ్

 

కలల ప్రపంచంలో
నిద్రిస్తూ నిజం కాని

దానిని చూస్తూ విజయాన్ని

ఊహిస్తూ ఉండేకన్నా

 

కలను నిజం చేసుకునే

ఓ గొప్ప అవకాసం వస్తుందని

ప్రయత్నిచడంలోనే అసలైన

మజా ఉంటుంది

 

మనలో దాగిన సామర్ధ్యం

ఉన్నతంగా ప్రదర్శించబడాలంటే

మనలో పోటీతత్వమైన ఉండాలి

లేదా బలమైన పోటీలోనైనా మనముండాలి

అసలైన గెలుపు

ఫలితం తెలియని ప్రయత్నం

ఊహకందని గెలుపునిస్తుంది

ఫలితం తెలిపే ప్రయత్నం

ఆశకి అందమే చేకూరుస్తుంది 

శ్రద్ధే లేని ప్రయత్నం 

అనుకోని ఓటమై నినుచేరుతుంది

ఫలితమేంటో ప్రయత్నామేంటో

అనే వారు అక్కడే ఉండిపోతారు 

ప్రయత్నం మనిషిది ఫలితం దేవునిదనే

వారి దృక్పథమే వేరు

అందరిలో కొందరే గెలుపు కోసమే

బరిలో నిలబడతారు

చాలామంది భయంతో మధ్యలోనే నిలచిపోతారు

గెలుపోటముల మధ్య సంఘర్షణ ఎప్పుడు ఉండేదే ఈ జీవితంలో ... కానీ! 

ఆగిపోయి నిందలేయకు

అలసిపోయి ఆపివేయకు

లక్ష్యము వైపు నువు వేసే ప్రతి అడుగు 

గెలుపై ఎదురొచ్చి పడుతుంది నీకే గొడుగు

ఓటమిని  గౌరవించడంలో

ప్రయత్నాన్ని ప్రేమించడంలో

దాగుంది అసలైన గెలుపు...! 

శిల్పంలా నిలిచే

 ఓ ప్రియా

నువ్వు నా ఎదలో చేరిన

విధి గీసిన రూపానివి

మనసారా నన్ను పదే పదే

పిలిచే నీ ప్రేమకు నేను దాసోహమే !

ఎన్నాళ్మనుంచో ఎన్నెన్నో రూపాలలో

వెతికానే నాకై నిలిచే ప్రేమను

కొలిచానే నాతో నడిచిన ప్రేమను!

ఇన్నాళ్ళకి ఇప్పుడే కనుగొన్న

నన్ను ఎడడుగుల రూపంలో

బంధములా చేరింది నువ్వేనని

శిల్పంలా నిలిచే నా ప్రేమవు నువ్వేనని!

పాత్రను కాను

నేను గెలిచిన వారి కథలు

వినడానికి ఎంత ఇష్టపడతానో  

మంచో చెడో నా గురించి చెప్పే

కథలు వినడానికి ఇంకా ఇష్టపడతాను

 

కన్ను కాచిన నిద్రను

ఖర్చు చేసిన క్షణాలను

తిరిగి పొందలేను

చేజారిన అవకాశాల్ని

నిశ్శబ్దంగా నిలచిన

అవమానాన్ని కొలవలేను … కానీ!

 

పడిన ప్రతిసారి నిలబడగలను

ఒకనాటికి ఆ ఓటమికే నా గెలుపుని

బహుమానంగా ఇవ్వగలను

 

చెప్పే కథలే ఒకరి గెలుపుకి

కొలమానమనుకుంటే

ఎవరో రాసిన కథలో పాత్రను కాను

నేనంటూ రాసే కథలో కథానాయుడుని నేను

ఇంకెప్పుడు మారుతారు?

 

 

మన నుండి ఏదో ఆశించేవాళ్ళ కన్నా

మనల్ని మనలా ప్రేమించే వాళ్ళే మిన్నా !

 

ఆశించినది అందకపోతే

అనుమానిస్తారు అవమానిస్తాడు

చివరకి దూరంగా పెట్టేస్తారు

 

ఆశించిందల్లా అందించామా

పొగిడేస్తారు ప్రేమిస్తారు

ఆఖరికి దేవుడనేస్తారు

 

కళ్ళు మూసుకొని పిల్లి పాలు

తాగినట్టు మన కళ్ళ ముందే

మనకు సినిమా చూపిస్తారు

 

కుండలోని కూడు కుండలోనే ఉండాలంటారు

బిడ్డ మాత్రమూ అమాంతము ఎదిగిపోవాలంటారు

 

కష్టములేని ఆర్జితములో సంతృప్తి

కరువై ఆశీర్వాదముండదు

ఇంకెప్పుడు మారుతారు? ఇకనైనా

మార్చుకోండి మీ బ్రతుకులు వేయండి

ఆనందము వైపు మీ అడుగులు

 

58. అప్పు తప్పు

అప్పు తప్పు

 

అప్పు తప్పు

 

అప్పులో తప్పు తప్పులో అప్పు

గుర్తించలేనంతగా కలిసిపోయుంటాయి

మొదట భయంగాను బాధగాను ఉన్నా!

అలవాటు పడిన చేతికి అదుపు లేకుండా పోతుంది

భారముగా మారి వీడని నీడలా వెంటాడుతుంది.

 

అవసరమో అనవసరమో తప్పులో భాగమైనోడికి

అప్పులో సాయమైనోడికి విడుదల లేకుండా పోతుంది

ఆవేశమే పెరిగి ఆయాసమే మిగిలిపోతుంది

చిక్కుకుని ఏడ్చేకన్నా వదిలించుకొని నవ్వడమే మిన్నా

 

అదుపు పొదుపు అలవాటున్నోడు

అవమానాల పాలవ్వడు

అప్పుకు తప్పుకి చిక్కి భారాన్ని పెంచుకొని

ఎప్పటికి బానిసవ్వడు