నాకు...మాతృభాషంటే!

 అంతర్జాతీయ మాతృభాష దినోత్సవం సందర్భంగా తపస్వి మనోహరం e-book/ మాస పత్రిక/ వార పత్రిక కొరకు రాసిన కవిత...

అంశం : అంతర్జాతీయ మాతృభాష దినోత్సవం

రచన : ప్రేమ్ సాగర్ కోటపూరి 

ఊరు : కోవూరు,నెల్లూరుజిల్లా

చరవాణి : 9542000079

శీర్షిక : నాకు...మాతృభాషంటే!

మాతృభావ ఆప్యాయతను

ప్రతి పదములో నింపుకున్న

ఆత్మీయ ఉత్తేజ అనుబంధం 

సరళమైన స్పష్టతను 

వన్నెగా మలుచుకున్న

సాహిత్య సౌరభం 

ఖచ్చితమైన ఆకృతితో

సంస్కృతి వారసత్వమున్న

తాత్విక భావోద్వేగం

మాటల్లో ప్రియత్వం

చేతల్లో సజ్జనత్వమున్న 

మృదువైన వ్యక్తిత్వం

మనస్సుతో మమేకమై

అంతర్గత చైతన్యమున్న

నిర్గుణత్వమైన ఆత్మాభిమానం

✍️అనిర్వ✍️  

@ ప్రేమ్ సాగర్ కోటపూరి 

ఇది నా స్వీయ రచనేనని హామీ ఇస్తున్నాను...