చిన్న బాధ దూకేస్తుంది

 అనంత సాహితీ వేదిక 

ప్రతి దినం పద/వాక్య కవిత్వ పోటీకి 

అంశం:అలాగే మిగిలిన భావం

తేది : 19/02/2026

రచన: ప్రేమ్ సాగర్ కోటపూరి 

ఊరు: కోవూరు,నెల్లూరు జిల్లా

చరవాణి : 9542000079 

శీర్షిక: చిన్న బాధ దూకేస్తుంది 

పగలంతా పని ఒత్తిడులు 

పరిచయాల పలకరింపులు 

ఆశల రెక్కలు సంపాదన లెక్కలు చుట్టేసినట్టుంటాయి అందుకేనేమో  

ఏ యోచన చేయాలనే ధ్యాసే ఉండదు 

ఒకవేళ ఉన్నా వీలుపడదు! 

సంధ్యా వేళకు వచ్చే బడలిక  వద్దంటే ఏ కదలిక ఇంటికి చేరి ఉత్తేజితం పొంది నిశ్చింతగా 

కుక్షి నింపుకుని విశ్రాంతి కోసం మంచమెక్కాకా మనసు గుమ్మానా గుసగుసలు మొదలు...

నగరమంతా నిద్రోతున్నా 

హృదయమే శ్మశానమై 

నిశీధిలో ఒంటరి ప్రయాణం చేస్తుంది

నలుగురు మోసే ఎముకల 

గూడుకి ఏదో తెలియని తీరని 

లోటు మాత్రం వెంటాడుతుంటది 

ఏమిటని ప్రశ్నించుకుంటే..

స్పష్టత రాదు సంతృప్తినివ్వదు

ఎక్కడో ఎప్పుడో మిగిలిపోయిన 

చిన్న బాధ దూకేస్తుంది

అన్నీ ఉన్నట్టే ఏవీ అందనట్టే 

మధ్యతరగతి జీవులకి 

దుప్పటి కప్పుకున్నట్టే

మోసే కలల కుంపటికి

అలాగే మిగిలిన భావాలు

భావోద్వేగాలుగా మారి 

కృశించిపోతుంటాయి..

నడి రాత్రిలో కన్నీటి పర్యాంతమై 

నాలుగు గోడల మధ్య 

నలిగిపోతుంటాయి..

✍️అనిర్వ✍️ 

@ ప్రేమ్ సాగర్ కోటపూరి 

ఇది నా స్వీయ రచనేనని హామీ ఇస్తున్నాను...!