అనంత సాహితీ వేదిక వారి ప్రతిదినం
పద/వాక్య కవిత్వ పోటీకి రాసిన కవిత
అంశం:
" ఆశల దాహం"
రచన: ప్రేమ్ సాగర్ కోటపూరి
ఊరు: కోవూరు,నెల్లూరు జిల్లా
చరవాణి: 9542000079
శీర్షిక: ఆశల హారము
ఓ మనిషి!
నీ పయనమెటుపోతుందో
ప్రశ్నలతో దారి చెప్పగలవా?
చూడని రేపటికి , సమాధానమే తెలియని
చోటుకి ఓపికతో ఎదురుచూసేలా ఆలోచింపచేసేది మన లోని ఆశే!
హద్దు దాటని అనుకూలతలో
ఉన్నన్నాళ్ళు - ఆశ చెడ్డది కాదు!
అత్యాశగానో దురాశగానో రూపాంతరమే చెందేలా మనమే తయారైతే!
ఆశ కూడా హత్య చేస్తుంది!
తల్లిదండ్రుల ఆశల భేరం బిడ్డల మానసిక
స్థితి గతులను మరచిపోతుంది.!
కంచెకు చేరే ప్రేమకథలు విఫలమంటే ఆశ లేని మరణాలే గమ్యాలుగా మారుతున్నాయి.!
ముసుగు దొంగలు ఆర్థిక వేటలో ఆశల వలలే వేస్తూ నమ్మకాన్ని వేలం వేస్తుంటే మానవత్వానికి సమాధి చేస్తూన్నట్టే ఉంది.!
జీవితపు విలువ తెలియని బలహీనులుగా మారుతున్నంత కాలం నిరాశ నిస్పృహలు దాడులు చేస్తూనే ఉంటాయి.!
ఆశల హారము హద్దుగా
కంఠానికుంటే ముప్పేమిలేదు!
అంతులేని అర్థంలేని తీరని దాహములా మారితే! మౌనంగా హింసిస్తుంది!మానాన్ని హరిస్తుంది!దేహాన్నే దహిస్తుంది!
✍️అనిర్వ✍️
@ప్రేమ్ సాగర్ కోటపూరి
ఈ కవిత నా స్వీయ రచనేనని హామీ ఇస్తున్నాను...
No comments:
Post a Comment