నా కవిత్వం

 అనంత సాహితీ వేదిక 

తేది : 21/03/25

అంశం : కవిత్వమంటే

రచన : ప్రేమ్ సాగర్ కోటపూరి

ఊరు : కోవూరు, నెల్లూరు జిల్లా 

శీర్షిక : "నా కవిత్వం"

నేను నిలచిన సమాజాన్ని

అతి దగ్గరగా చూపేది

నేను పొందుకున్న అనుభూతిని

అద్భుతంగా వర్ణించేది

నేను విన్న కథలకు, బాధలకు

తెలియని ఓదార్పునిచ్చేది

నేను మరవలేని గాయానికి

హాయిని, ఉపశమనన్నిచ్చేది

నాకెదురైన సామాజిక సమస్యలకు

ప్రశ్నించాలనే గళాన్నిచ్చేది

నన్ను అర్ధం చేసుకోలేని వారికి

అభిప్రాయాన్ని సూటిగా చెప్పేది

నాలోని భయాలకు, ప్రశ్నలకు

వెతకని సమాధానమిచ్చేది

నాలోని రోదన వేదనల్లో

తోడుగా స్పందించేది

నాలోని ప్రేమను పరవశింపజేసి

ప్రణయగీతాన్ని ఆలపించేది

నాలోనే జనియించి 

నాతోనే పయనించి

నవ్విస్తూ, కవ్విస్తూ, 

మూరిపిస్తూ, మరిపిస్తూ

మాయ చేసే హృదయ 

స్పందనే నా కవిత్వం

✍️అనిర్వ✍️

@ప్రేమ్ సాగర్ కోటపూరి

22/03/2025

ఇది నా స్వీయ రచన 

    అని హామీ ఇస్తున్నాను..