బంధాల అనుసంధానం

 సద్భావన చారిటబుల్ ట్రస్ట్ &

అనంత సాహితీ వేదిక 

సంయుక్త ఆధ్వర్యంలో 

"ఉగాది కవితల పోటీ "

అంశం : అనుబంధాలు

రచన : ప్రేమ్ సాగర్ కోటపూరి

ఊరు : కోవూరు, నెల్లూరు జిల్లా 

శీర్షిక : బంధాల అనుసంధానం

అనుకోని అతిధిగా పిండమునై

బొడ్డుతాడు తోడుగా బిడ్డనై 

అమ్మ ఒడిలోనికి చేరాను

నాన్న అనే పిలుపిచ్చే నమ్మకముతో

స్వేచ్ఛగా లోకాన్ని చూసాను

రక్తబంధమేముద్దుగా తోబుట్టువులే 

బలగముగా ధైర్యంగా పెరిగాను

స్నేహాబంధమే మద్దతుగా హితుల్ని

సన్నిహితులను పొందాను

అక్షరయజ్ఞంలో  శిష్యుడనై

గురువు నేర్పిన జ్ఞానం నేర్చాను

జంట మంత్రముతో నేను 

సంసారసాగరం ఈదాను

ఏర్పడిన బంధాలను వదలక

మరవక ఆస్వాదిస్తున్నాను

బంధాలకు భాష వేరు

భావాలకు అర్ధాలు వేరు

విధి ఆడే వింత నాటకంలో

ప్రతి పాత్రకు పని తీరే వేరు

మనస్సుకి స్వచ్ఛత కావాలి

మాటలు మర్యాదతో నిండాలి

అవసరాలలో చేయుతనివ్వాలి

కోపాలలో ఓర్పును నేర్పాలి

పాపాలకు హెచ్చరిక అవ్వాలి

ఇష్టముతో చిరునవ్వు పంచాలి

ప్రతి బంధాన్ని అనుసంధానం

చేసుకుంటూ అనుబంధాలను

కొనసాగించాలి అదే అలవాటుగా

భావితరాలకు నేర్పించాలి..

✍️అనిర్వ✍️

@ప్రేమ్ సాగర్ కోటపూరి

16/03/2025

ఇది నా స్వీయ రచన 

    అని హామీ ఇస్తున్నాను..