ఏకాంతమే ఎదురైతే - ఏకాంతములో వికాసం

 అనంత సాహితీ వేదిక 

తేది : 18/2/25

అంశం : ఏకాంతమే ఎదురైతే 

రచన : ప్రేమ్ సాగర్ కోటపూరి

ఊరు : కోవూరు, నెల్లూరు జిల్లా

శీర్షిక : ఏకాంతములో వికాసం

నిన్న నేడు రేపు 

ఒకటే ఆలోచన

ఒకటే ఆలాపన

ఏకాంతమే ఎదురైతే... 

నిన్నటిని దాటిన నేను

గతంతో నిలిచిపోను

నేడుని చేరుకున్న నేను 

విజయంతో విర్రవీగను

రేపటి కోసం నేను 

ప్రశ్నలతో జీవించను... 

బాధకు భరోసాగా

ఏడ్పుకి ఓదార్పుగా

సహానానికి చిరునవ్వుగా

నిదురలో లాలీపాటగా

ఎవరు లేని ఎవరు చూడని ఏకాంతమే నా తోడు... 

అప్పు అడగనివ్వదు

తప్పు చేయనివ్వదు

గొప్పలకి పోనివ్వదు

సత్యాన్ని మరువనివ్వదు

సమస్యల సహావాసంలో సమాధానమయ్యె

ఏకాంతమే నా తోడు... 

ఏకాంతమిచ్చె వికాసంలో

నన్ను నేను మరువను

నా పై చెడుని గెలవనివ్వను... 

✍️అనిర్వ✍️

@ ప్రేమ్ సాగర్ కోటపూరి

ఇది నా స్వీయ రచన 

    అని హామీ ఇస్తున్నాను..