అక్క !

అక్క !
ఏ తమ్ముడు ఇవ్వనటువంటి
బహుమతి ఇవ్వాలని
ప్రపంచం లోనే అందమైనది
నీకు తెచ్చివ్వాలని పరిగెడు తున్న
క్షణాన జారి పడితే తెలిసింది ................నా అవివేకం

నీ నవ్వుని మించిన అందాన్ని
నేను ఎందులోనూ చూడలేనని
ఆ నవ్వు నీకు ఎప్పుడు దూరం
కాకుండా చూసుకోవడమే
తమ్ముడిగా నా భాద్యతని ..............

అక్షరాలను జత కలిపి
కవి అవతారమెత్తి
నీకో కవిత రాసివ్వాలను కున్న
క్షణాన గుర్తుకు వచ్చెను  నాకు ......నా ఆవేశం

నీ కళ్ళలోని కరుణ ముందు
మాటలోని మంచి ముందు
స్పర్శలోని ప్రేమ ముందు
ఏమని చెప్పను ....ఎంతని చెప్పను
నీ తమ్ముడిగా నేను అదృష్ట వంతుడనని.............


అమ్మ ప్రేమకు ప్రతి రూపమైన
మరో రూపము నువ్వు
అడగకనే దేవుడిచ్చిన
అనుబంధము నువ్వు ............

అక్క.....
ఈ జన్మలో
నీకు తమ్ముడనైన
మరు జన్మలో
నీకు తనయుడిని ....అవ్వాలని కాంక్షిస్తూ చెబుతున్న.....అక్క .....జన్మదిన శుభాకాంక్షలు

ఇట్లు....
తనయుడి కాని తమ్ముడు
తనయుడితో సమానమైన తమ్ముడు
ఇప్పటికి .....ఎప్పటికి... ....నీ తమ్ముడు