ప్రియా!
అవకాశం ఇవ్వకుండానే
ఆలోచన చేయకుండానే
మంచి చెడు తెలుసుకునే
ప్రయత్నం చేయకుండానే
ప్రకటించిన నా ఆశను
త్రుంచి వేయడం ...........నీకు న్యాయమా !
నేను ఏమిటో
నా ఆలోచన ఏమిటో ......తెలుసుకోకుండానే
నువ్వు ఏమిటో
నీ ఆలోచన ఏమిటో ......చెప్పకుండానే
ఇష్టం లేదంటూ నన్ను
నీవు దాటి పోవడం ..........నీకు న్యాయమా !
ప్రపంచం లో అతి ప్రాముఖ్యత
కలిగిన మూడు మాటలను
తమ సౌకర్యం కోసంగా
వాడుకుంటున్న మాటలను
నీకు చెప్పి స్వార్ధపరుడినిగా
నీ ముందు నేను నిలువలేను .......అది నా నైజం
స్నేహమంటూ నిన్ను చేరుకొని
సరదాగా సమయాన్ని గడపలేక కాదు
ప్రేమంటూ నిన్ను కలుపుకొని
ప్రాణం అంటూ నీ చుట్టూ తిరగ లేక కాదు
ఫై రెండింటిని సైతం తనలో
నింపుకొని మనల్ని ముందుకు నడిపే
బంధం....భార్యాభర్తల సంబంధం
అన్యులకు అర్ధం కాని అనుబంధం...........
సమస్యలలో స్నేహితుడినవుతా
సరదాలలో ప్రేమికుడినవుతా
భాద్యతలలో భరించే భర్తనవుతా
జీవితాంతం నీ వెంట నేనుంటా..............
No comments:
Post a Comment