శీర్షిక : అమ్మే మరిచిన ప్రేమపాశం
నేను చేసిన నేరమేమిటమ్మా?
నవ మాసాలు మోసిన నీకే భారమైతిని
నేను చేసిన పాపమేమిటమ్మా?
నను మురిపించే నీ ఒడికే దూరమైతిని
ఆలుమగల వలపు ఆటలో పూసిన పువ్వునే కదమ్మా ?
అసహ్యానికి నేను ఎట్లు కారణమైతిని?
కన్నీరుకే తల్లడిల్లే తల్లివే కదమ్మా
చనుపాలు తాగిన బిడ్డడు పై ఎలా కన్నెర్ర చేసితివి
శరీరేచ్ఛల దాడిలో నీవు భాగమైతివో లేక బానిసవైతివో
కఠినమైన నిర్ణయంతో నన్నే
మరణ కౌగిలికి అప్పగించేస్తివి
నేను చేసిన నేరమేమిటమ్మా?
నేను చేసిన పాపమేమిటమ్మా?
No comments:
Post a Comment