రాలిన భ్రమలు -భ్రమలోన బ్రతుకులు

 అనంత సాహితీ వేదిక 

తేది : 05/03/25

అంశం : రాలిన భ్రమలు

రచన : ప్రేమ్ సాగర్ కోటపూరి

ఊరు : కోవూరు, నెల్లూరు జిల్లా 

శీర్షిక : భ్రమలోన బ్రతుకులు

ఎగిరెగిరి పడకు 

అసలే తొందరపడకు

ఉచ్ఛ్వాస నిశ్వాసాల మధ్య

క్షణాల తేడాను మరవకు

నిత్య యవ్యనం నీకు 

ఉండదని తెలుసుకో

సొంతం పంతం అనే

మాటలను మరిచిపో

జ్ఞానానికి విర్రవీగకు

ఐశ్వర్యానికి తలవంచకు

కనురెప్పల మాటున

గుట్టుగా బ్రతకడం నేర్చుకో

బలము నీకున్నా

బలగం ఎంతున్నా

సాటి మనిషిని బానిసగా

చూడడం మానుకో

రంగుకాగితాల తలుకులు

ఈ ప్రపంచానికి అవసరమేమో

ఆకాశము అందదని ఆధారం

భూమేనని నడుచుకో

శ్రమలు లేని భ్రమలు

కడుపుకి కూడు పెట్టవు

భ్రమలోన బ్రతుకులు

ఎప్పటికి బాగుపడవు

సత్యం మరిచిన గురిగింజవి కాకు

జీవితమే గొప్ప బహుమానం నీకు

నిన్ను కమ్మిన భ్రమలే రాలిపోతే

నిన్ను నువ్వే క్షమించుకోలేవు

✍️అనిర్వ✍️

@ప్రేమ్ సాగర్ కోటపూరి

06/03/2025

ఇది నా స్వీయ రచన 

    అని హామీ ఇస్తున్నాను..